Pagsubok ng Tagumpay

   

 Sa buhay ng tao maraming mga bagay ang dumarating ng hindi inaasahan, mga bagay na tuloy tuloy pumasok sa ating buhay. Nakakalungkot man isipin na maraming mga tao ang bigla na lamang bumibitiw, hindi dahil wala silang magagawa kundi dahil natatakot silang harapin ang mga bagay na pilit nilang tinatakasan. kadalasan sa buhay ng tao mas marami ang nagbubulag bulagan at nagbibingi bingihan, hindi dahil sa mga bagay na nakikita nila kundi sa mga pagsubok na kumakatok sa buhay nila.

     Nakakalungkot bang isipin na magiging matagumpay ka? Nakakatakot bang isipin na kung hindi dahil sa problema ay magiging matapang at matatag ka? O mas natatakot ka na harapin ang pagsubok dahil hindi mo alam kung magtatagumpay ka? tama bang katakutan ang bagay na magiging hakbang sa buhay mo para maging matagumpay ka, nasa kabila ng problema ay mas nagsumikap ka, mas naging matapang para harapin ang lahat.

     Walang tao ang may gusto na laging may problema. Mahirap,nakakapagod, at nakakasawa.Tama! ngunit lahat ng nararansan mong paghihirap ay walang kampantay na katuwaan ang kapalit, hindi mo kailangang magpasalamat sa lahat ng taong nakapaligid sayo, kundi sa sarili mong naging saksi sa lahat ng pagsubok na naranasan mo. Mahirap sa una pero pasasaan ba't tagumpay naman ang iyong makakamit sa bandang huli.

      Paano mo titingnan ang isang bagay na napunta sayo ng hindi mo naman pinaghirapan? hindi ba't mas nakakatakot isipin na ito ay isa lamang panandalian dahil ni minsan hindi mo ito pinagsumikapan. Hindi ba't mas nakaka proud kung ikae mismo sa sarili mo ay alam mo ang totoong daan patungo sa tagumpay na iyong inasam.

      Ano man ang pagsubok na kinahaharap mo ngayon, nag-aaral ka man o naghahanap buhay. Kung alam mo ang nais mong patunguhan, maging matapang ka na harapin ang pagsubok mo sa buhay. Dahil hindi mararansan ang ibat-ibang klase ng saya kung hindi ka daraan sa ibat ibang uri ng problema.

      Hindi mo kailangang matakot sa pagkatalo mo, mas matakot ka sa sarili mo na magiging dahilan ng pagkatalo mo. Walang problemang ibinibigay ang Dyos ng hindi mo kayang lagpasan, kaya wala ring pagsubok na mapagtatagumpayan kung hindi mo haharapin at paglalabanan